圖片引用自http://wiki.bildungsserver.de/weltliteratur/index.php/Fran%C3%A7ois_Villon
1.« Ballade que Villon feit à la requeste de sa mère »
Debussy 作曲，Christopher Maltman （baritone）演唱
Dame du ciel, regente terrienne,
Emperière des infernaulx paluz,
Recevez-moy, vostre humble chrestienne,
Que comprinse soye entre vos esleuz,
Ce non obstant qu'oncques riens ne valuz.
Les biens de vous, ma Dame et ma Maistresse,
Sont trop plus grans que ne suys pecheresse,
Sans lesquelez bien ame ne peult merir
N'avoir les cieulx, je n'en suis menteresse.
En ceste foy je vueil vivre et mourir,
A vostre Filz dictes que je suys sienne;
De luy soyent mes pechez aboluz:
Pardonnez-moy comme à l'Egyptienne,
Ou comme il feut au clerc Théophilus,
Lequel par vous fut quitte et absoluz,
Combien qu'il eust au diable faict promesse
Preservez-moy que je n'accomplisse ce !
Vierge portant sans rempure encourir
Le sacrement qu'on celebre à la messe.
En ceste foy je vueil vivre et mourir.
Femme je suis povrette et ancienne,
Qui riens ne sçay, oncques lettre ne leuz;
Au moustier voy dont suis paroissienne,
Paradis painct où sont harpes et luz,
Et ung enfer où damnez sont boulluz:
L'ung me faict paour, l'aultre joye et liesse.
La joye avoir fais-moy, haulte Deesse,
A qui pecheurs doibvent tous recourir,
Comblez de foy, sans faincte ne paresse.
En ceste foy je vueil vivre et mourir.
2.« Ballade des femmes de Paris »
Debussy 作曲，Christopher Maltman （baritone）演唱
Quoy qu’on tient belles langagières
Florentines, Veniciennes, Assez pour estre messaigières,
Et mesmement les anciennes ;
Mais, soient Lombardes, Romaines,
Genevoises, à mes périls,
Piemontoises, Savoysiennes,
Il n’est bon bec que de Paris.
De beau parler tiennent chayères,
Ce dit-on Napolitaines,
Et que sont bonnes cacquetières
Allemandes et Bruciennes ;
Soient Grecques, Egyptiennes,
De Hongries ou d’aultre païs,
Espaignolelles ou Castellannes,
Il n’est bon bec que de Paris.
Brettes, Suysses, n’y sçavent guères,
Ne Gasconnes et Tholuzaines ;
Du Petit Pont deux harangères
Les concluront, et les Lorraines, Anglesches ou Callaisiennes,
(Ay-je beaucoup de lieux compris ?)
Picardes, de Valenciennes....
Il n’est bon bec que de Paris.
Prince, aux dames parisiennes,
De bien parler donnez le prix ;
Quoy qu’on die d’italiennes,
Il n’est bon bec que de Paris.
沒有留言:
張貼留言